Mühəndis mexanikası jurnalı dövrü nəşr olub, Azərbaycan Memarlıq və İnşaat universitetində 2020-ci ilin yanvar ayından fəaliyyətə başlamışdır. Beynəlxalq miqyaslı  elmi-texniki jurnal kimi nəşr olunan bu jurnalda deformasiya olunan bərk cisimlər mexanikası, elastiklik və plastiklik nəzəriyyəsi, ümumi mexanika, inşaat mexanikası, materiallar müqaviməti, hidromexanika və aeromexanika sahəsində əvvəllər çap olunmamış və digər jurnallara göndərilməmiş məqalələr çap olunur. Belə ki, məqalələr doktorantların, elmi işçilərin apardıqları nəzəri və təcrübi tədqiqatların yeni nəticələrini ümumiləşdirən və aktual mövzuları əhatə edən materiallar olmalıdır. Jurnal Mexanika, İnşaat konstruksiyaları, Tətbiqi riyaziyyat, Fizika və Energetika Mühəndisliyi bölmələri ilə əhatə olunmuşdur.